Դիետաներն օգտակար են ուղեղի համար

Դիետիկ սնունդը պաշտպանում է ուղեղը տարիքային փոփոխություններից: Քոլորադոյի համալսարանի մասնագետների կողմից մկների վրա փորձարկումը ցույց է տվել, որ կալորիաների կրճատումը դրական է ազդում ուղեղի հատվածների վրա, որոնք պատասխանատու են ուշադրության ու հիշողության համար:

Գիտնականները կրճատել են կրծողների սննդակարգը 30%-ով ու նկատել, որ ակտիվացել է SIRT1 ֆերմենտը: Այս ֆերմենտը տրոհում է տոքսիկ սպիտակուցները, որոնք տարիքային սակավամտություն են հարուցում, հաղորդում է «ԵվրոՍՄԻ»-ն:

Հետազոտության հեղինակները նաեւ վստահեցնում են, որ դիետաները դրական են ազդում օրգանիզմի մյուս համակարգերի վրա նույնպես, մասնավորապես՝ սրտանոթային ու մարսողական: Իհարկե, խոսքը ոչ թե «դաժան» մեթոդների մասին է, այլ չափավոր սահմանափակումների եւ սննդակարգից վնասական մթերքների բացառման մասին:

Հարցեր, պատասխաններ, մեկնաբանություններ